Sé imleabhar d’Iris Chumann Seandálaíochta Chontae Chill Dara ar fáil ar líne

Tá áthas ar Chumann Seandálaíochta Chontae Chill Dara agus ar Sheirbhís Leabharlainne Chill Dara a fhógairt go bhfuil digitiú déanta ar sé imleabhar eile d’Iris Chumann Seandálaíochta Chontae Chill Dara.  Tá na himleabhair sin ar fáil saor in aisce ar leathanaigh ‘Staidéar Áitiúil’ shuíomh gréasáin Sheirbhís Leabharlainne Chill Dara. Is féidir teacht orthu anseo nó trí chliceáil ar an nasc atá ar fáil ar leathanaigh ‘Staidéar Áitiúil’ shuíomh gréasáin Sheirbhís Leabharlainne Chill Dara - https://kildarecoco.ie/library/KildareCountyArchivesandLocalStudies/LocalStudies/

Agus na sé imleabhar seo curtha ar fáil, is amhlaidh atá na chéad trí imleabhar is fiche d’Iris Chumann Seandálaíochta Chontae Chill Dara ar fáil do chách anois agus is féidir iad ar fad a chuardach -  ó imleabhar uimhir a haon a foilsíodh in 1891 go himleabhar uimhir fiche a trí a foilsíodh in 2019.

Acmhainn riachtanach is ea Iris Chumann Seandálaíochta Chontae Chill Dara do dhuine ar bith a bhfuil suim acu sa tseandálaíocht, sa stair, i gcúrsaí oidhreachta agus i gcultúr Chontae Chill Dara agus na gceantar máguaird. I measc na n-ábhar atá faoi chaibidil sna himleabhair nuadhigitithe,  tá ailt ar an nGorta Mór i gceantar Dhíseart Diarmada, forbairt agus forás Theach na Cúirte sa Nás, Cumann na gCarad i gCill Dara Theas, an dóigh ar briseadh suas Eastát Laighean agus staidéar ar an Iothlainn Aisteach agus Halla an Sciobóil.

Tá cóipeanna crua de gach iris atá foilsithe ar fáil ag an spás taighde nua do Chartlanna Chontae Chill Dara agus don Staidéar Áitiúil atá lonnaithe ag Harbour View, An Nás. Tá tuilleadh eolais faoi Chumann Seandálaíochta Chontae Chill Dara, lena n-áirítear clár dá gcuid imeachtaí in 2024, ar fáil ar an suíomh gréasáin www.kildarearchsoc.ie

Más mian leat tuilleadh eolais a fháil, seol ríomhphost chuig localhistory@kildarecoco.ie